CALCE NERO

გამოყენება

შიდა სივრცე – ლამინამის ამ სლების გამოყენება შეგიძლიათ მაღალი დატვირთვის მქონე ადგილებში, კედლებზე, იატაკზე, ფანჯრის რაფებზე, ბუხრის გარშემო და კარებზე.
გარე სივრცე – Nero-ს ულტრაიისფერი რეზისტენტობა და ყინვაგამძლე თვისებები გარანტიაა იმისა, რომ ის შეინარჩუნებს თავდაპირველ იერსახეს გარე სივრცეში გამოყენებისას.

მონტაჟი

• სანამ დაიწყებთ Nero-ს მონტაჟს, დარწმუნდით, რომ ზედაპირი, რომელზეც მუშაობთ არის სუფთა, მშრალი და თანაბარი. აუცილებელია მტვრის, ჭუჭყისა და ძველი მასალის მოშორება, რათა შეიქმნას მყარი საფუძველი ახალი სლებების დასამაგრებლად
• ლამინამის მონტაჟისას ერთ-ერთი მნიშვნელოვანი ფაქტორი ხარისხიანი წებოს გამოყენებაა, რადგან მასზეა დამოკიდებული სლებების გამძლეობა და ვიზუალური ეფექტი. წებო-ცემენტი, ეპოქსიდი და პოლიურეთანის ბაზის წებოები სწორედ ის ჩამონათვალია, რომლის გამოყენებაც შეგიძლიათ ლამინამის მონტაჟისას. გაითვალისწინეთ ისიც, რომ საინსტალაციო მასალა უნდა შეარჩიოთ მისი დანიშნულებისამებრ, რადგან არსებობს კონკრეტული მიმართულებით გამოყენებადი, მაგ: კედლებისთვის, იატაკისთვისა და ექსტერიერისთვის
• ინსტალაციისა და გაშრობის დროს შეინარჩუნეთ სტაბილური ტემპერატურა. ინსტალაციისთვის საუკეთესო ტემპერატურა არის 10°C – 30°C შორის. უზრუნველყავით ადეკვატური ვენტილაცია, რათა საინსტალაციო მასალა კარგად გაშრეს
• დაბოლოს, სლებებს შორის შეინარჩუნეთ სათანადო მანძილი, რათა განხორციელდეს ბუნებრივი გაფართოებისა და შეკუმშვის პროცესი, განსაკუთრებით იმ ადგილებში, სადაც ტემპერატურის ცვლილებებია

მოვლა

• შეინარჩუნეთ სუფთად – რეგულარულად გაწმინდეთ თქვენი სლები რბილი ქსოვილით. ეს ხელს შეუწყობს მათი პირვანდელი იერსახის შენარჩუნებას
• მოერიდეთ უხეშ ქიმიკატებს – ლაქების უმეტესობა ადვილად მოშორდება თბილი წყლითა და სარეცხი საშუალებებით. უფრო რთულად ამოსაყვანი ლაქებისთვის გამოიყენეთ სპეციალიზებული გამწმენდი, რომელიც რეკომენდებულია კერამიკული ზედაპირებისთვის
• გარე გამოყენებისთვის – ხშირად გაასუფთავეთ სლებები წყლით ჭუჭყისა და ნარჩენებისგან განსაკუთრებით წვიმიანი ამინდის შემდეგ

გუნდის რეკომენდაცია

ელეგანტური და მარადიული შავი სლები – Nero სივრცეს დახვეწილობასა და გასაოცარ ესთეტიკას სძენს. ის იდეალურია თანამედროვე, მაღალი დონის ინტერიერის შესაქმნელად. ლამინამის ეს სლები ჰარმონიულად ერწყმის მკვეთრ თეთრსა და ღია ნაცრისფერს და ქმნის მსუბუქ ატმოსფეროს. ეს კომბინაცია კი კარგად გამოიყურება სამზარეულოში, მისაღებ ოთახსა და სააბაზანოში. თუკი Nero-ს ბუნებრივ ხის ტონებს შეუხამებთ თქვენ დააბალანსებთ შავი ფერის სიმკვეთრეს და შეიტანთ სითბოს სივრცეში. ელეგანტური სივრცის შესაქმნელად კი მასთან ერთად ჩართეთ ოქროსფერი აქცენტები, ეს შესანიშნავად ერგება ოფისის ატმოსფეროს.

ვიდეოთეკა