FILO ORO

გამოყენება

კედლები – Oro-ს სიმსუბუქე ამცირებს დატვირთვას კედლის კონსტრუქციაზე და ამარტივებს ინსტალაციას. გარდა ამისა, ის არის ცეცხლგამძლე და მდგრადი მექანიკური დაზიანებების მიმართ, სწორედ ამიტომ მისი გამოყენება სამზარეულოსა და აბაზანის კედლებზე საუკეთესო გადაწყვეტაა.
ავეჯი – მისი მინიმალური მოვლა და ცვეთამედეგობა უზრუნველყოფს ავეჯის მუდმივ სილამაზესა და ფუნქციურობას.
ექსტერიერი – ყინვაგამძლე და ულტრაიისფერი რეზისტენტობის მქონე ლამინამის ეს სლები შესაფერისია გარე სივრცეებისთვის.

მონტაჟი

• სანამ დაიწყებთ Oro-ს მონტაჟს, დარწმუნდით, რომ ზედაპირი, რომელზეც მუშაობთ არის სუფთა, მშრალი და თანაბარი. აუცილებელია მტვრის, ჭუჭყისა და ძველი მასალის მოშორება, რათა შეიქმნას მყარი საფუძველი ახალი სლებების დასამაგრებლად
• ლამინამის მონტაჟისას ერთ-ერთი მნიშვნელოვანი ფაქტორი ხარისხიანი წებოს გამოყენებაა, რადგან მასზეა დამოკიდებული სლებების გამძლეობა და ვიზუალური ეფექტი. წებო-ცემენტი, ეპოქსიდი და პოლიურეთანის ბაზის წებოები სწორედ ის ჩამონათვალია, რომლის გამოყენებაც შეგიძლიათ ლამინამის მონტაჟისას. გაითვალისწინეთ ისიც, რომ საინსტალაციო მასალა უნდა შეარჩიოთ მისი დანიშნულებისამებრ, რადგან არსებობს კონკრეტული მიმართულებით გამოყენებადი, მაგ: კედლებისთვის, იატაკისთვისა და ექსტერიერისთვის
• ინსტალაციისა და გაშრობის დროს შეინარჩუნეთ სტაბილური ტემპერატურა. ინსტალაციისთვის საუკეთესო ტემპერატურა არის 10°C – 30°C შორის. უზრუნველყავით ადეკვატური ვენტილაცია, რათა საინსტალაციო მასალა კარგად გაშრეს
• დაბოლოს, სლებებს შორის შეინარჩუნეთ სათანადო მანძილი, რათა განხორციელდეს ბუნებრივი გაფართოებისა და შეკუმშვის პროცესი, განსაკუთრებით იმ ადგილებში, სადაც ტემპერატურის ცვლილებებია

მოვლა

• შეინარჩუნეთ სუფთად – რეგულარულად გაწმინდეთ თქვენი სლები რბილი ქსოვილით. ეს ხელს შეუწყობს მათი პირვანდელი იერსახის შენარჩუნებას
• მოერიდეთ უხეშ ქიმიკატებს – ლაქების უმეტესობა ადვილად მოშორდება თბილი წყლითა და სარეცხი საშუალებებით. უფრო რთულად ამოსაყვანი ლაქებისთვის გამოიყენეთ სპეციალიზებული გამწმენდი, რომელიც რეკომენდებულია კერამიკული ზედაპირებისთვის
• გარე გამოყენებისთვის – ხშირად გაასუფთავეთ სლებები წყლით ჭუჭყისა და ნარჩენებისგან განსაკუთრებით წვიმიანი ამინდის შემდეგ

გუნდის რეკომენდაცია

Oro-ს ოქროსფერი, ტექსტურირებული ზედაპირი მრავალმხრივია. ის მდიდრულ ელემენტებს სძენს ინტერიერს და რჩება საკმარისად ნეიტრალური, რათა შეავსოს სხვა ფერების და მასალების ფართო სპექტრი. Oro ჰარმონიულად ერწყმის ისეთ ფერებს, როგორიცაა თეთრი, კრემისფერი და ნაცრისფერი, რაც საშუალებას აძლევს ოქროსფერს გამოირჩეოდეს და სივრცეში ელეგანტურობის განცდა შეიტანოს.
თუ ინტერიერში თამამი აქცენტების სახით წითელსა და ფირუზისფერს გამოიყენებთ Oro-ს სლებთან ერთად, თქვენ შექმნით დინამიკურ და ენერგიულ ატმოსფეროს. ეს კომბინაცია შესანიშნავია მისაღები სივრცისთვის, სადაც Oro იქნება ელეგანტური და ამავდროულად მთავარი აქცენტი. ხოლო თუ Oro-ს შეუხამებთ ისეთ ფერებს, როგორიცაა ნაცრისფერი, მუქი ლურჯი და ზურმუხტისფერი, მიიღებთ უფრო კლასიკურ და დახვეწილ ინტერიერს. თბილი და ცივი ტონების ეს ურთიერთკავშირი სიღრმესა და ვიზუალურ ინტერესს მატებს სივრცეს, შექმნის ჰარმონიულ, მაგრამ ძლიერ კომპოზიციას, სადაც Oro იქნება მთავარი აქცენტი.

ვიდეოთეკა