რბილი იატაკი სახლის კინოთეატრისთვი
რჩევები, რომელიც უნდა გაითვალისწინოთ
გადაწყვეტილი გაქვთ საკუთარი სახლის კინოთეატრის მოწყობა და იცით, რომ გჭირდებათ დიდი ეკრანი, კარგი აუდიო სისტემა და შესაძლოა პოპკორნის აპარატიც კი. თუმცა, გაითვალისწინეთ, რომ კინოთეატრი სრულყოფილი ვერ იქნება აკუსტიკური ბალანსის დაცვის გარეშე. ამის მიღწევა კი რბილი იატაკის გარეშე წარმოუდგენელია.
იატაკი არამარტო მყუდრო გარემოს ქმნის, არამედ ხელს უწყობს ხმის ხარისხს. ხელს უშლის არასასიამოვნო ექოს გავრცელებას.
ქვემოთ მოცემული რჩევები დაგეხმარებათ სახლის კინოთეატრისთვის საუკეთესო რბილი იატაკის შერჩევაში.
რბილი იატაკის ტიპი
რბილი იატაკის ფილა
სწრაფი და მარტივი ინსტალაციისთვის არაფერი სჯობს რბილი იატაკის ფილებს, მისი დახმარებით შეგიძლიათ სამუშაოები მოკლე დროში დაასრულოთ. საკუთარი სტილის შექმნის შესაძლებლობა კი მისი დამატებითი პლიუსია. განსხვავებული ფერებისა და დეკორაციების შეხამებით, შეგიძლიათ გამორჩეული ეფექტის მიღება.
რბილი იატაკის რულონი
რბილი იატაკის რულონი გამოირჩევა განსხვავებული სტილის მრავალფეროვნებით, დაწყებული კლასიკურითა და ელეგანტურით, დამთავრებული უფრო მხიარული ნიმუშებითა და თემატური დიზაინით. ამასთანავე რულონის ღირებულება კვადრატულ მეტრზე უფრო იაფია ფილებთან შედარებით.
კომერციული თუ საცხოვრებელი კლასი?!
კომერციული კლასი
ლოგიკურად გაგიჩნდებათ კითხვა, თუ სახლის კინოთეარზე ვსაუბრობთ, რატომ არ უნდა აირჩიოთ საცხოვრებელი კლასის რბილი იატაკი. საქმე ის არის, რომ სახლის კინოთეატრების უმრავლესობა შეფასებულია კომერციულად, რათა გაუძლოს დიდ დატვირთვას. ასე, რომ თუ თქვენ ეძებთ იატაკს, რომელიც გაუძლებს დატვირთვას ხანგრძლივი პერიოდის განმავლობაში, არჩევანი დიდია. კომერციული კლასის რბილი იატაკი ძალიან გამძლეა, მარტივად იწმინდება და მდგრადია ლაქების მიმართ. ამასთანავე ის წარმატებით გამოიყენება, როგორც ბიზნეს გარემოში, ისე სახლში.
საცხოვრებელი კლასი
საცხოვრებელი კლასის რბილი იატაკი არის უფრო სქელი და ფუმფულა, რაც ბონუსად ქმნის კომფორტს თქვენთვის. თუმცა მისი ზედაპირი არ არის გათვლილი დიდი დატვირთვისთვის.
რბილი იატაკის უპირატესობები
ხმის ხარისხი
გარდა იმისა, რომ ხალიჩა ინარჩუნებს თბილ, კომფორტულ და ლამაზ გარემოს, იგი საუკეთესოა ხმის შთანთქმის მხრივ. თუ თქვენ თანხას ხარჯავთ მაღალხარისხიან აუდიო სისტემაში, რა თქმა უნდა გინდათ, რომ ხმა ჟღერდეს სუფთად და არა ხრინწიანად და ექოდ.
რატომ არის რბილი იატაკი საჭირო ხმის ოპტიმალური ხარისხისთვის? პასუხი მარტივია. როდესაც იატაკს მყარი ზედაპირი აქვს ხე, კერამიკა და ა.შ. ხმა მოძროაბს იატაკიდან ჭერამდე და პირიქით (თუ ჭერი არ არის აკუსტიკური). რა თქმა უნდა კედლები შთანთქავს ხმის გარკვეულ ნაწილს, ისევე როგორც ადამიანები და ავეჯი, მაგრამ იატაკის მყარი საფარი მაინც ქმნის ექოს ეფექტს.
ამის საპირისპიროდ, რბილი იატაკის ქსოვილი ისე შეიწოვს ხმას, როგორც ღრუბელი, რაც ნაკლებ ექოს წარმოქმნის ვიდრე ხე ან კერამიკა. ეს ნიშნავს იმას, რომ იქმნება ნაკლები რევერბერაცია და ხდება ხმის სწრაფი დაშლა, ასე რომ შეგიძლიათ ბოლომდე ისიამოვნოთ სახლის კინოთეატრით.
კომფორტი
განსხვავებული იატაკების მრავალფეროვანი არჩევანის მიუხედავად, რბილ იატაკს მაინც უჭირავს თავისი ადგილი ბაზარზე, რადგან სხვა იატაკებთან შედარებით ინარჩუნებს სითბოსა და კომფორტს.
ყველაფერს რომ თავი დავანებოთ, ერთ დღესაც შესაძლოა, თქვენს სახლის კინოთეატრში იმაზე მეტი სტუმარი გყავდეთ ვიდრე დასაჯდომი. რა თქმა უნდა არ გენდომებათ სტუმრის დასმა მეტლახზე დაფენილ პლედზე.
რბილი იატაკი ქმნის სიმყუდროვის შეგრძნებას ოთახში შესვლისთანავე. ეს არის ის, რაც თქვენს კინოთეატრში გჭირდებათ.
გაითვალისწინეთ
შუქი
ერთი რამ, რაც საერთოდ არ გინდათ, რომ თქვენს სახლის კინოთეატრში მოხდეს, არის იატაკიდან ეკრანზე არეკლილი შუქი, რომელიც ზედმეტად ანათებს ოთახს და ხელს გიშლით ფილმის ყურებაში. ამიტომ არჩევანი გააკეთეთ მუქი ფერის რბილ იატაკზე, როგორიც არის შავი ან რუხი, თუ გინდათ, რომ ოთახი იყოს ჩამუქებული. ჩვენ დიდი არჩევანი გვაქვს.
მოვლა
რა არის კინოთეატრი პოპკორნისა და გამაგრილებელი სასმელების გარეშე?! შემთხვევები ხდება და იატაკი შეიძლება დაისვაროს, თუმცა საქმე სანერვიულოდ არ გაქვთ, თანამედროვე რბილი იატაკის გაწმენდა გაცილებით მარტივია ვიდრე ტრადიციული ხალიჩების.
სახლის კინოთეატრის ხალიჩები, როგორც წესი არის დაბალბეწვიანი. დაბალ ქსოვილიანი ხალიჩა კი, როგორც წესი ნაკლებ ჭუჭყსა და მტვერს იკავებს. ამასთანავე არის ლაქებისადმი მდგრადი. ასე რომ შეგიძლიათ მშვიდად უყუროთ თქვენს საყვარელ ფილმს და არ ინერვიულოთ თითოეულ მცირე დაღვრილ სითხეზე.
თუ თქვენ მაინც დარდობთ ლაქებზე, მაშინ შეგიძლიათ არჩევანი გააკეთოთ რბილი იატაკის ფილებზე. იმ შემთხვევაში თუ დაზიანდება იატაკი, შეგიძლიათ კონკრეტული დაზიანებული ფილა შეცვალოთ ახლით. ამ შემთხვევაში არ დაგჭირდებათ მთლიანი იატაკის შეცვლა.
ახლა კი ისღა დაგრჩენიათ არჩევანი გააკეთოთ რბილი იატაკის ფილასა და რულონს შორის.