Share

როგორ შევარჩიოთ სასტუმროსათვის შესაფერისი რბილი იატაკი

როგორ შევარჩიოთ სასტუმროსათვის შესაფერისი რბილი იატაკი

რბილი იატაკი სასტუმროსთვის

სტუმარმასპინძლობის ინდუსტრიაში საუკეთესო მომსახურების შეთავაზება ნიშნავს საუკეთესო  შთაბეჭდილების შექმნას. თუ არჩევთ რბილ იატაკს სასტუმროსთვის, რესტორნისთვის, ბარისთვის ან კლუბისთვის, გაითვალისწინეთ, რომ დიდი ეფექტის მოხდენა შეიძლება უნიკალური და უნაკლო გარემოს შექმნით.

დიზაინისა და სტილის მრავალფეროვნებით, ამასთანავე, საოცარი აკუსტიკური თვისებებითა და უდავო კომფორტით, სასტუმროს ტიპის რბილი იატაკი იდეალური ვარიანტია თქვენთვის. გარდა იმისა, ხალიჩა ნაქსოვია თუ ფოჩებიანი წყობის, შერჩევისას არის სხვა გასათვალისწინებელი ფაქტორებიც. ქვემოთ განვიხილავთ თუ რა უნდა გაითვალისწინოთ და როგორ შეარჩიოთ სასტუმროსათვის შესაფერისი ხალიჩა.

განსაზღვრეთ თქვენი საჭიროებები

უპირველეს ყოვისა, საჭიროა თქვენი მოთხოვნების იდენტიფიცირება. თუ თქვენ ეძებთ რბილ იატაკს დიდი დატვირთვის მქონე სივრცისთვის, როგორიც არის სასტუმროს მისაღები ოთახი ან ბარი, უმჯობესია არჩევანი ნაქსოვ ე.წ. აქსმისტერის ან ნეილონის წყობილი ტიპის ხალიჩაზე შეაჩეროთ. იმ შემთხვევაში, თუ რბილ იატაკს საძინებლისთვის არჩევთ, არ დაგჭირდებათ აქსმისტერის ფერებისა და ვიზუალის სიუხვე. საძინებელი დაბალი დატვირთვის მქონე ადგილია, შესაბამისად, არჩევანი შეგიძლიათ უფრო ფუმფულა და მარტივი ვიზუალის წყობილი ტიპის რბილ იატაკზე შეაჩეროთ.

 

ფერი და ვიზუალი

როგორც ამბობენ, პირველი შთაბეჭდილება გადამწყვეტია, ამიტომ დიზაინის შერჩევისას მნიშვნელოვანია გაითვალისწინოთ თქვენი სივრცის მოთხოვნები. რბილი იატაკი, რომელსაც აქვს რთული სახის დიზაინი, რა თქმა უნდა მეტად დამალავს ლაქებს, ვიდრე ერთგვაროვანი ფერის მქონე. შედარებით მუქი ფერები უფრო მეტად ამტანია ჭუჭყის მიმართ, ვიდრე ღია ფერის. მცირე გეომეტრიული ვიზუალი შეამსუბუქებს ჭუჭყის კვალს, თუმცა უფრო თამამი დიზაინი უკეთესი იქნება.

 

ხმაურის შემცირება

თქვენ კარგად იცით, რომ სტუმარმასპინძლობის სფეროში ხმაურის ფაქტორის გათვალისწინება კრიტიკულად მნიშვნელოვანია. საჭიროა მყუდრო გარემოს შექმნა მიუხედავად ხალხის სიმრავლისა. სწორედ ეს არის ის მომენტი, როდესაც სასტუმროს ტიპის რბილი იატაკი გამოგადგებათ და შეგიქმნით აკუსტიკურ კომფორტს. ხმის შთანთქმნით რბილი იატაკი ამცირებს ხმაურს და ხელს უშლის მის სივრცეში გავრცელებას. ფენიქსის შოურუმში წარმოდგენილია რბილი იატაკის ნიმუშები, რომელთაც აქვთ სპეციალური აკუსტიკური უკანა ფენა.

რულონი VS რბილი იატაკის ფილა

რულონური რბილი იატაკი შესანიშნავია დიდი სივრცეებისთვის და მაღალი კლასის დიზაინის შესაქმნელად. ამ ტიპის ხალიჩებით შესაძლებელია ისეთი ხავერდოვნების მიღწევა, რისი შექმნაც შეუძლებელია რბილი იატაკის ფილებით. სწორედ ამ მიზეზის გამო, ბევრი სასტუმრო უპირატესობას რულონს ანიჭებს.

გაითვალისწინეთ, რომ რულონური რბილი იატაკი უფრო ძვირია ვიდრე ფილები. გარდა ამისა, რულონის დამონტაჟებას უფრო მეტი დრო მიაქვს და მეტი დანაკარგი აქვს – 5-25%. რბილი იატაკის ფილები არის კვადრატის ფორმის, მათი დამონტაჟება და კომბინირება ბევრნაირადაა შესაძლებელი. ამასთანავე  დამონტაჟებაც უფრო მარტივი და სწრაფია. მათი მოდულარობისა და ზომის სიმცირის გამო, ნაკლებ ნარჩენს ტოვებს ინსტალაციის პროცესში – 1-3%. მარტივია მისი დემონტაჟი, იმ შემთხვევაში თუ დაზიანდება, შესაძლებელია დაზიანებული ფილის ახლით ჩანაცვლება. რბილი იატაკის ფილებს ხშირად იყენებენ ოფისებში, ბარებსა და რესტორნებში. ფილების ნაკლი ის არის, რომ ხშირ შემთხვევაში, რაც არ უნდა იდეალურად დაამონტაჟოთ, მაინც შესამჩნევი იქნება გადაბმის წერტილები.

გარდა ზემოთ განხილული მახასიათებლებისა, რბილი იატაკის  შერჩევისას უნდა გაითვალისწინოთ სამი მთავარი თვისება: აკუსტიკა, გამძლეობა და ლაქებისადმი მდგრადობა. საბოლოო ჯამში კი რბილი იატაკის თვისებები, რომლებიც უნდა გაითვალისწინოთ, დამოკიდებულია სივრცის ხასიათზე.

Share post: