Share

რბილი იატაკი

რბილი იატაკი

რბილ იატაკს მრავალი წელია განსაკუთრებული ადგილი უჭირავს ინტერიერის დიზაინში,   იგი ხაზს უსვამს პრესტიჟსა და სტილს. ფერების, სტილისა და ვიზუალის დახმარებით იგი სრულყოფს ინტერიერის დიზაინს სახლში, სასტუმროსა თუ ოფისში.  ჰაეროვანი ზედაპირის გამო, რბილი იატაკი, შთანთქავს ხმას, ინარჩუნებს სითბოს და ქმნის სიმყუდროვის შეგრძნებას.

თანამედროვე რბილი იატაკი პირველად   70 წლის წინ ჩაეშვა წარმოებაში და ძალიან მალე შეუცვლელი გახდა სტუმარ-მასპინძლობის სფეროში, ხოლო ევროპასა და ამერიკაში ყველაზე მოთხოვნადია სახლის მოწყობის დროს. ამის ერთ-ერთი უმთავრესი მიზეზი ის არის, რომ თანამედროვე რბილი იატაკი არ იკრავს მტვერს და მდგრადია ლაქების მიმართ, რაც ამარტივებს მის მოვლას და ზრდის გამოყენების ხანგრძლივობას.

მრავალფეროვანი არჩევანი,  სირბილე და  საუკეთესო აკუსტიკა ნებისმიერი ჩანაფიქრის წარმატებით გადაწყვეტის საშუალებას იძლევა. მთავარია, რბილი იატაკის შერჩევის დროს გაითვალისწინოთ, როგორი დატვირთვის მქონე ადგილისთვის გჭირდებათ ის.

თუ ჯერ კიდევ ვერ გადაწყვეტიათ, რატომ რბილი იატაკი, უამრავი არგუმენტი გვაქვს დასარწმუნებლად:

  • რბილი იატაკი საოცარ სირბილესა და სიმყუდროვეს მატებს ოთახს;
  • აქვს მრავალფეროვანი მოდელებისა და ფერების არჩევანი;
  • ახშობს არასასურველ ხმაურს;
  • ინარჩუნებს ოთახის ტემპერატურას;
  • ხელს უშლის ოთახში მტვრის გავრცელებას, რაც განსაკუთრებით მოსახერხებელია ალერგიული ადამიანებისთვის;
  • არის უსაფრთხო. არ სრიალებს, რაც ამცირებს დაცემის რისკს, ხოლო დაცემის შემთხვევაში, ნაკლებია დაზიანების ალბათობა, რაც განსაკუთრებით მნიშვნელოვანია თუ სახლში ბავშვები იმყოფებიან.

 

 

Share post: