Share

თვითსწორებადი იატაკი

თვითსწორებადი იატაკი

მიუხედავად თვითსწორებადი იატაკის მრავალწლიანი ისტოორის საქართველოს ბაზარზე ახალია. ხშირად მომხმარებელს უჭირს გადაწყვეტილების მიღება მის სასარგებლოდ, რადგან არ ფლობს ამომწურავ ინფორმაციას. არადა, თანამედროვე რემონტი და შენობის მოწყობა მის გარეშე წარმოუდგენელია. ზოგავს სარემონტო დროს, შედეგი ცალსახად საუკეთესოა ხოლო ექსპლუატაციის ვადა რამდენიმე ათეულ წელს ითვლის.

მაინც, რა არის თვითსწორებადი იატაკი? გამათანაბრებელი და თვითსწორებადი ბოლო ფენაა იატაკის დეკორატიულ ფენამდე, რომელიც აუმჯობესებენ ბაზისის ხარისხს, უზრუნველყოფს იდეალურ სისწორეს და ამსუბუქებს სამუშაოს. მისი არსებობა განაპირობებს დეკორატიული ფენის გამძლეობას, სიმყარეს და სისუფთავეს როგორც საცხოვრებელ, ასევე კომერციულ შენობებში. ულტრა თხელია, შედარებისთვის, თუ მოჭიმული იატაკი არის 3-10 სანტიმეტრამდე, თვითსწორებადი იატაკი 3 მილიმეტრიდან 3 სანტიმეტრამდეა.
ნებისმიერი ტიპის შენობაში ერთნაირი წარმატებთ გამოიყენება და განაპირობებს:

  • მუშაობის სისწრაფეს, რაც მნიშვნელოვნად ზოგავს დროს;
  • თვითსწორებად იატაკს ახასიათებს ქიმიური ინერტულობა, წყალგაუმტარობა;
  • ასწორებს დეფორმირებულ ზედაპირს და შედეგად მიიღება მაღალი ხარისხის ზედაპირი, რომელიც გამოდგება ნებისმიერი ტიპის დაფარვისთვის;

 

თვითსწორებადი იატაკის ტიპები 

თვითსწორებადი იატაკები შეგვიძლია დავყოთ ორ ძირითად კატეგორიად:  ცემენტზე დაფუძნებული და პოლიმერული (ფისოვანი) თვითსწორებადი იატაკები.

ცემენტზე დაფუძნებული თვითსწორებადი იატაკი იგება იატაკის ფუძის ზემოთ. საბოლოო ფენა შეიძლება იყოს ლამინატი, კრეამიკა, პარკეტი, ვინილი, ლინოლიუმი ან ქვა. თუ გვსურს რბილი იატაკის, ხის პარკეტს , ლინოლიუმის,  ლამინატს,  ან ვინილის დაგება, ამ შემთხვევაში თვითსწორებადი იატაკის დასხმა აუცილებელია. სასურველია –  კერამიკას, ან ქვის არჩევანის დროს.

პოლიმერული (ფისოვანი) თვითსწორებადი იატაკი არ საჭიროებს ცალკე დაფარვას. იგი შეიძლება იყოს იატაკის საბოლოო ფენა.  მისი გამოყენება შეიძლება როგორც საცხოვრებელ, ისე სამრეწველო შენობაში, რომლის ფართობიც არის ასობით კვადრატული მეტრი.  ორივე შემთხვევაში იატაკმა უნდა დააკმაყოფილოს რიგი მოთხოვნები.

სამრეწველო შენობებისთვის ყველაზე გავრცელებული იატაკის მსალაა ბეტონი, მას ბევრი სასარგებლო თვისება აქვს, თუმცა, ექსპლუტაციაში შესვლის შემდეგ მისი სუფთა მდგომარეობაში შენარჩუნება რთულია და საჭიროებს დამცავ საიზოლაციო საშუალებებს. ბეტონი არ არის მდგრადი მექანიკური თუ ქიმიური ზემოქმედების მიმართ, ასევე ექსპლუატაციის დროს ბეტონი სისტემატურად წარმოქმნის მტვერს. ამიტომ ბეტონის ფენის დასაცავად პოლიმერული იატაკი გამოიყენება.  პოლიმერულია იატაკის დაგებამდე აუცილებალია რიგი რეკომენდაციების გათვალისწინება, შესაბამისი შედეგის მისაღებად.

 

ცემენტზე დაფუძნებული თვითსწორებადი იატაკი

ცემენტზე დაფუძნებული თვითსწორებადი იატაკი შეგვიძლია მივაკუთვნოთ იატაკის გასათანაბრებელ კლასიკურ ტიპს. თუ ათი წლის წინ ეს იატაკი იშვიათად გამოიყენებოდა, დღეს მის გარეშე წარმოუდგენელია სერიოზული რემონტის გაკეთება. ცემენტზე დაფუძნებული იატაკი შეგვიძლია მივიჩნიოთ თხელ ე.წ. “მჭიმად”, რომლის ფუნქციაც არის ზედაპირის გასწორება.  მის შემადგენლობაში შემავალი სპეციალური დანამატების წყალობით, ცემენტზე დაფუძნებული იატაკის სისქე მერყეობს 3 მმ-დან 3-სმ-მდე.

ცემენტზე დაფუძნებული იატაკი არ საჭიროებს გამყარებას,  მასზე სიარული შეიძლება 6-8 საათის შემდეგ.

ცემენტზე დაფუძნებული იატაკი იყიდება ქაღალდის შეფუთვაში, მშრალი ნაზავის სახით. სამუშაოს დასაწყებად ზავდება წყალში.

ცემენტის თვითსწორებადი იატაკი არ არის იატაკის საბოლოო ფენა. იგი არის იატაკის გამათანაბრებელი ქვედა ფენა ნებისმიერი სახის მოსაპირკეთებელი მასალისათვის (პარკეტი, ლამინატი, კერამიკა, ქვა, ვინილი, ლინონიუმი, რბილი იატაკი).

 

 

 

 

 

 

 

პოლიურეთანის თვითსწორებადი იატაკი

პოლიურეთანის თვითსწორებად იატაკს დიდი ფუნქციური და დეკორატიული დატვირთვა აქვს. ეპოქსიდურისგან განხვავებით უფრო რბილი და ელასტიურია, რაც მას უფრო მდგრადს ხდის ნაკაწრების მიმართ. პოლიურეთანის გამოყენება რეკომენდებულია ისეთ ადგილებში, სადაც ტემპერატურა შეიძლება დაეცეს -30 გრადუსამდე.  საუკეთესოა: სამედიცინო დაწესებულებებში, სკოლაში, ბაღში, საზ. თავშეყრის ადგილებში, კომერციულ და საცხოვრებელ შენობებში. ამასთანავე, მაღალი ვიბრაციის მქონე ადგილებში, მაგ: მეტროსადგურებში და მრავალსართულიან პარკინგზე.

ეპოქსიდური თვითსწორებადი იატაკი

ერთი შეხედვით ეპოქსიდური თვითსწორებადი იატაკი გავს პოლიურეთანის იატაკს, თუმცა ეპოქსიდური ფისის სპეციფიკური თვისებებიდან გამომდინარე, ეპოქსიდურ იატაკი უფრო მყარია და აქვს მაღალი კუმშვადობა.  გააჩნია უფრო მაღალი მდგრადობა მექანიკური ზემოქმედების მიმართ, არის წყალგაუმტარი. მაგალითად: გამხსნელების, ზეთების, მჟავების, ტუტეებისა და მარილის ხსნარების მიმართ. ამიტომ მისი გამოყენება რეკომენდებულია , მექანიკურ ზემოქმედებაზე გაზრდილი მოთხოვნების მქონე შენობებში, როგორიც არის საწარმოები, საწყობები და ლოჯისტიკური ცენტრები. ეპოქსიდური იატაკები გამოიყენება შენობის შიგნით

ეპოქსიდური იატაკები შეიძლება იყოს არამარტო მონოქრომული, არამედ რამდენიმე ფერისგანაც დამზადდეს. მისი ზედაპირი შეიძლება იყოს პრიალა, ან ხაოიანი. გამოიყოფა ეპოქსიდური იატაკის რამდენიმე ძირითადი ტიპებია:

  • ეპოქსიდური ტერაცო იატაკი
  • ეპოქსიდური ფანტელისებრი იატაკი
  • ეპოქსიდური იატაკის საფარი
  • თვითსწორებადი ეპოქსიდი
  • ეპოქსიდური საბაზისო ფენა.

რა თქმა უნდა, თვითოეული მათგანი  კონკეტულ ადგილას გამოიყენება შესაბამისი დანიშნულებით.

 

განსხვავება ეპოქსიდისა და პოლიურეთანს შორის

მათი მდგრადობა გასხვავებულია სხვადასხვა ქიმიკატების მიმართ:

მაგალითად, პოლიურეთანი სასურველი არჩევანია კვების მრეწველებში, სადაც მაღალია ლაქტური მჟავების ზემოქმედება. ამის გამო რძის გადამამუშავებელი საწარმო ირჩევს პოლიურეთანს. შესაძლოა ეპოქსიდმა შეიძლება განიცადოს კოროზია და შეყვითლდეს. თუმცა, ისეთ ინდუსტრიაში, სადაც ვხვდებით გოგირდის მჟავას , ეპოქსიდური იატაკი ბევრად უფრო მდგრადია. თუ ხდება იატაკის შერჩევა მაღალი ქიმიური ზემოქმედების მქონე შენობაში, აუცილებელია პროდუქტის ტიპის გათვალისწინება.

პოლიურეთანი  სენსიტიურია ტენიანობის მიმართ. შესაბამისად არაა რეკომენდებული . ეპოქსიდიც მგრძნობიარეა ტენიანობის მიმართ, თუმცა ზიანი გაცილებით ნკლებია. შესაბამისად , ისეთ ადგილებში, სადაც ტენიანობა მაღალია, ეპოქსიდის გამოყენება სჯობს.

პოლიურეთანის იატაკის მოდიფიცირება მარტივია, იმ მიზნით, რომ გავახანგრძლივოთ მისი ექსპლუატაციის ვადა ან სრულიად განვაახლოთ და შევაკეთოთ.  არ საჭიროებს დიდ დროს, პარასკევს შეგიძლიათ დაიწყოთ შეკეთება და ორშაბათს აქტიურად გამოიყენოთ.   რაც შეეხება ექპოქსიდს, მას დაახლოებით 7 დღე სჭირდება შესაკეთებლად.

რაც შეეხება  ამ ორი ტიპის იატაკიდან ერთ-ერთის შერჩევას, გადამწყვეტია საჭიროება და შენობის სპეციფიკა. მხოლოდ, სწორად შერჩეული იატაკი უზრუნველყოფს პროექტის წარმატებულ შედეგს.

 

Share post: