Share

ვინილის იატაკი

ვინილის იატაკი

იატაკი – ეს არის ზედაპირი, რომელიც მთელ დატვრითვას  იღებს. თუ ეძებთ იატაკის საფარს, რომელიც აერთიანებს ისეთ თვისებებს, როგორიცაა ესთეტიკა, მდგრადობა, ცვეთამედეგობა,  წყალგამძლეობა, ულტრაიისფერი სხივებისადმი მდგრადობა, მოვლა-შენახვის სიმარტივე, მაშინ თქვენს ყურადღებას აუცილებლად დაიმსახურებს ვინილის იატაკი. ასეთი ტიპის იატაკს შეუძლია ნებისმიერი  ბუნებრივი მასალის იმიტირება (ხე, ბუნებრივი ქვა, ქსოვილი და სხვა). იატაკის ზედაპირი შეიძლება იყოს პრიალა, მქრქალი, გლუვი ან გოფრირებული.

ვინილის იატაკი  თანამედროვე იერსახით არც ისე დიდი ხნის წინ გამოჩნდა – რამდენიმე ათეული წლის წინ. დღეს ვინილის იატაკი აქტუალურობას იძენს, როგორც საცხოვრებელ, ისე საჯარო სივრცეებში უნიკალური მახასიათებლების გამო. მისი წილი ბაზარზე ყოველწლიურად იზრდება.

თანამედროვე ვინილის იატაკი არის მრავალშრიანი, სწორედ, ეს უზრუნველყოფს მის მაღალ კლასს, გამძლეობას თუ სხვა თვისებებს.

არსებობს განსხვავებული ფორმატის ვინილის იატაკები:

    • რულონური ვინილის საფარი – საჭიროებს ფუძესთან სპეციალური წებოთი დაწებებას.
    • ვინილის ფილები – შეიძლება იყოს კვადრატული ფორმის ან მოგრძო. რულონის მსგავსად, ისიც საჭიროებს ფუძეზე დაწებებას.

 

ვინილის იატაკები დანიშულების მიხედვით იყოფა 3 ტიპად:

        1. საყოფაცხოვრებო ვინილის იატაკი გათვლილია ნაკლები დატვირთვის მქონე საცხოვრებელი სივრცისთვის. ზედა დამცავი ფენა ასეთ მასალაში მინიმალურად თხელია, ან საერთოდ არ არის. ეს სავსებით საკმარისია მასალის საშუალო სიცოცხლისუნარიანობის უზრუნველსაყოფად (5-6 წელი).
        2. კომერციული ვინილის იატაკი ძირითადად მონტაჟდება მაღალი დატვირთვის მქონე ადგილებში, ისეთი, როგორიც არის სასწავლო და სამედიცინო დაწესებულებები, ოფისი, რესტორანი, სავაჭრო ცენტრი, აეროპორტი და ა.შ. ასეთი ტიპის იატაკის გამოყენების ვადა მერყეობ 8-10 წელი.
        3. ინდუსტრიული ვინილის იატაკი გამოიყენება ისეთ სივრცეში, სადაც მაღალია მექანიკური ზემოქმედების ალბათობა. ზედა ფენა შეიცავს სპეციალურ ბუნებრივი მასალის დანამატებს, რომელიც ამცირებს მოსრიალების რისკს და ზრდის საფარის გამძლეობასა და სტატიკურობას. ამგვარი საფარის გამოყენება შეიძლება სამრეწველო თუ სპორტულ შენობებში, სადაც იატაკის გამოყენების ვადა განსაზღვრულია 10-15 წლით.

 

ვინილის იატაკის უპირატესობები:

      • წყალგაუმტარობა
      • მონტაჟის და მოვლის სიმარტივე
      • მაღალი მდგრადობა
      • ფერებისა და ფაქტურების დიდი არჩევანი
      • გამძლეობა
      • კარგი ხმისიზოლაცია
      • კარგი თბოიზოლაცია
      • ანტისტატიკურობა

ვინილის იატაკის მოწყობა
ვინილის იატაკის უდავო უპირატესობა ის არის, რომ მისი მოწყობა შესაძლებელია თითქმის ყველა ტიპის ზედაპირზე (ხის იატაკი, პარკეტი, ლინოლეუმი, მეტლახი). მთავარია ზედაპირი იყოს მყარი და სწორი. იმისათვის, რომ ვინილის იატაკის გამოყენების ვადა გავზარდოთ, სასურველია მის ქვეშ მოეწყოს თვითსწორებადი იატაკი, რომელიც უზრუნველყოფს იდეალურ სისწორეს, რაც თავის მხრივ,  ხელს უშლის დეკორატიული ფენის დეფორმირებას.

Share post: